Винарниците ветуваат откуп и исплата на целата реколта
Објавено на од во Економија

Министерот за земјоделство, шумарство и водостопанство, Трајан Димковски денеска одржа работен состанок со претставници од винарските визби, а целта, како што соопшти ресорното Министерство, е навреме да се анализираат податоците во делот на планираното производство за реколтата 2019, квалитетот на родот и откупот од страна на винарниците.

GrozjeСредба, се наведува во соопштението од МЗШВ, е дел од континунираните состаноци пред почетокот на бербата на винско и трпезно грозје,

Од страна на претставниците на винарниците е посочено дека се очекува стабилна година во однос на приносите и квалитетот на грозјето, со незначително зголемување на приносите во споредба со минатата година. Според првичните проценки на винарниците, се очекува откуп на околу 125 милиони килограми винско грозје.

При тоа винарниците посочија дека очекуваат целокупното произведено винско грозје од страна на индивидуалните лозари да биде откупено и согласно законските одредби ќе биде исплатено.

Министерот Димковски посочи дека Министерството заедно со Државниот инспекторат за земјоделство ќе ја следат бербата и откупот на грозјето и во текот на следните денови ќе се организира заедничка средба помеѓу лозарите и претставниците од винарските визби.

Министерството е секогаш тука доколку има потреба да се преземат соодветни мерки за целокупното грозје да биде откупено, потенцираше министерот Димковски.

Според податоците од Секторот за винарство и лозарство при МЗШВ, извозот на винско грозје бележи пораст, односно во 2018 година биле извезени 10,8 милиони килограми, а во 2017-та година се извезени 9,6 милиони килограми винско грозје. Зголемување има и во вредноста на извезено наливно и флаширано вино, односно девизниот прилив во 2018 година е за 10 отсто поголем од 2017 година и минатата година изнесувал над 50,7 милиони евра.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×