Висината на минималната плата ќе се знае за две-три недели
Објавено на од во Економија
Зголемување на минималната плата ќе има, но се уште не се знае колкаво ќе биде тоа, зашто во тек се разговорите со бизнис заедницата и стопанските комори, порача министерот за економија Крешник Бектеши.
бектеши влада„Досега не сум кажал колкава ќе биде минималната плата. Заедно со бизнис заедницата, со стопанските комори работиме на тоа. Да, ќе има покачување на минималната плата. Висината на покачувањето ќе ја утврдиме во наредниве две-три недели и навремено ќе ја известиме јавноста. Сите индикатори за економскиот раст, покажуваат дека се движиме во вистинската насока. Како Влада сме должни да ги зголемиме платите и во приватниот и во јавниот сектор, како што беше примерот за покачувањето на платите во јавниот сектор за пет отсто од септември“, изјави Бектеши.
Што се однесува до економските мерки за подобрување на бизнис-климата и стандардот во земјава, додаде, паралелно се работи на неколку мерки од кои и зголемувањето на платите во приватниот сектор.
„Паралелно работиме на неколку економски мерки за подобрување на економската клима. Веќе сме во преговори со бизнис заедницата околу  новиот закон за покачувањето на платите во приватниот сектор. Очекуваме да добиеме коментари, сугестии и врз основа на нив, да го подобриме законското решение, зашто за секое покачување на платите до 6 000 денари, Владата ќе ги субвенционира придонесите. За подобрување на стандардот и на животот на граѓаните многу се важни мерките и за заштита на животната средина, за субвенционирање нови модели како што се инвертерите, за енергетската ефикасност, како и инфраструктурните проекти“, рече Бектеши.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×