Во “Филип Втори“ отсега ќе може да се откријат предиспозиции за срцеви болести, дебелење, генетски нарушувања…
Објавено на од во Економија

Специјалната болница “Филип Втори“ во соработка со Бионжинеринг воведува панел на нови молекуларни и генетски тестови

010 press 26 10 2016_9959

 

 

 

 

 

 

 

Специјалната болница “Филип Втори“ денеска објави дека почнува со примена на молекуларни и генетски тестови за откривање на разни болести и генетски нарушувања во најраните стадиуми.

“Со оваа  стратегија ќе бидеме во можност да ја откриеме болеста во нејзиниот најран стадиум, уште пред да се појават нејзините први симптоми. Оваа промена во пристапот од реактивна до проактивна грижа за пациентите ја прави нашата болница лидер во начинот на којшто медицината денеска треба да се практикува“, изјави д-р Жан Митрев, првиот човек на“Филип Втори“.
Во соработка со Биоинжинеринг Доо, во болницата ќе биде воспоставен  панел на нови молекуларни и генетски тестови, коишто ќе целат кон:

-          Откривање на предиспозиции за развивање на срцеви болести

-          Откривање на предиспозиции кон коагулопатии кај бремени жени, при хормонска терапија и in vitro оплодување

-          Откривање на предиспозиции кон дебелеење и препорака за начин на исхрана

-          Откривање на реакција и несакани дејства на лекови – фармакогенетика

-          Тестови за персонализирана терапија на рак и наследност на рак

-          Секвенционирање на целгеном и целегзом

-          Откривање на генетски болести кај плод после 10-та недела од бременост со неинванзивни методи (земање на крв од мајката)

-          Молекуларна детекција на инфективни болести- HIV, Hepatitis C и B, HPV, сексуално преносливи болести, TORCH инфекции

Генетско тестирање претставува вид медицински тест којшто идентификува измени во нашите гени.

Персонализирана медицина претставува медицинска процедура којашто ги разделува пациентите во различни групи – со медицински одлуки, пракси и интервенции посебно скроени за секој пациент, во зависност од нивната генетска конституција и врз основа на тоа, предвидениот ризик за развивање на некоја болест.

“Резултатите од генетскиот тест во персонализираната медицина може да го потврди или исклучи присуството на генетско заболување, може да помогне во одредувањето на веројатноста за развивање на некоја болест (генетска предиспозиција) или за пренесување на генетска болест на новите поколенија. Генетските тестови треба да бидат протолкувани во комбинација со стандардни дијагностички тестови.  Бидејќи генетското тестирање е своеволно, одлуката дали пациентот ќе се одлучи за тестирање е лична. Генетичар или генетски советник може да му помогне на пациентот преку обезбедување информации за предностите и недостатоците на тестот и истовремено да ги дискутира општествените и емоционалните аспекти од тестирањето, со коишто пациентот треба да живее цел живот.“, објаснуваат од Биоинженеринг.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×