Врската помеѓу брендот и потрошувачот сега е двострана
Објавено на од во hi-tech & business

Slika za Tema2Дигитализацијата го сврти наопаку начинот на комуницирање на брендовите со својата публика

Во дигиталната ера веќе не е доволно да се пружи услуга со висок квалитет, туку услуга која ќе ги надмине очекувањата на клиентите. Веќе не е дозволен пасивен однос кон клиентите, туку се наметнува потребата од голема проактивност, велат нашите соговорници, професионалците од маркетинг и ПР секторите на неколку домашни компании. Начинот на комуникација со јавноста, воопшто, е драстично променет. Напливот на информации и заситеноста на граѓаните, од една страна, и нивната можност во голема мера да го контролираат и филтрираат приливот на информации, од друга страна, го стави надвор од употреба еднонасочниот модел во корпоративните комуникации.

 

Дигитализацијата на нашите животи и начинот на работа, го промени и начинот на комуницирање на брендовите, односно компаниите, со нивните потрошувачи. Лесниот пристап до информации овозможува подобро препознавање на потребите на клиентите, нивно попрецизно таргетирање и одговарање со соодветна понуда. Од друга страна, информациите им овозможуваат и на клиентите полесно и подобро согледување на понудите во рамки на нивните потреби.
Или како што велат во Халкбанк, дигитализацијата креира и платформи каде клиентите може отворено да ги споделуваат своите искуства.
„Позитивните коментари и споделените добри искуства може значителни да го унапредат имиџот на компаниите. Од друга страна, негативните искуства може да направат уште потежок импакт врз брендот. Социјалните мрежи нудат големи можности за персонализирање, за дијалози и за директен фидбек, како значајни компоненти во релациите помеѓу брендот и клиентот. Дигитализацијата овозможува и покреативни начини за комуницирање на брендовите и инволвирање на самата публика во нивното креирање.“, објаснуваат од маркетинг и ПР одделот на Халкбанк.
Во дигиталната ера веќе не е доволно да се пружи услуга со висок квалитет, туку услуга која ќе ги надмине очекувањата на клиентите. Веќе не е дозволен пасивен однос кон клиентите, туку се наметнува потребата од голема проактивност, велат нашите соговорници, професионалците од маркетинг и ПР секторите на неколку домашни компании. Начинот на комуникација со јавноста, воопшто, е драстично променет. Напливот на информации и заситеноста на граѓаните, од една страна, и нивната можност во голема мера да го контролираат и филтрираат приливот на информации, од друга страна, го стави надвор од употреба еднонасочниот модел во корпоративните комуникации.
„Пораките денес мора да бидат персонализирани, умесни и доволно вредни за да го придобијат краткото внимание на публиката. Сепак, иако се променија алатките за комуникација и нашите комуникациски навики, она што остана константа е универзалната потреба за чесен, фер и транспарентен однос од компаниите. Новите генерации очекуваат компаниите да придонесат и кон повисоки цели во општеството, а не само да ги исполнат „основните“ функции преку производите и услугите што ги нудат.“, вели Спасијка Ефтимоска, ПР координатор во Комерцијална банка во интервјуто за Капитал.
Оттаму, додава таа, може да се заклучи дека има многу предизвици во комуницирањето на корпоративниот бренд и на производите, но постојат и огромен број алатки за интеракција и речиси бесконечни можности за да се искористат тие во промотивни цели.
„Потребно е постојано и неуморно да се следат промените кои се случуваат со досега ненадмината динамика, а секако и да се инсистира на постојано усовршување и иновации. Живееме во доба на внимание од неколку секунди, и секој што барем малку ќе затаи ризикува да не биде забележан.“, заклучува Ефтимоска.
Домашните компании користат виртуелна реалност и други дигитални алатки во комуникацијата на брендот
Во работата на Феникс Нова, компанија од Скопје што обезбедува канцелариски, рекламен материјал и други услуги на своите клиенти, велат дека времето на дигитализација донесе нов начин на маркетинг стратегии, рекламирање на социјалните мрежи, веб апликации, онлајн нарачки…
„Овој современ и брз начин на живот наметнаа дигитализацијата да биде десна рака за било кој домен од животот. Нашиот бренд им овозможува на клиентите да ги следат производите и услугите на нашиот веб портал, блог, социјалните мрежи, итн.“, велат од Феникс Нова.
Што се однесува пак, на посебните продукти во времето на дигитализација, од компанијата истакнуваат дека времето на аутсорсингот е токму сега.
„Се аутсорсира ИТ, маркетинг, ПР, евент менаџмент, а зошто да не и администрацијата. Таа е есенцијален и важен предуслов за успехот на секој бизнис. Канцеларијата мора беспрекорно да функционира. Сепак работата е оценета како техничка, редундантна, нешто кое секој може да го сработи. Но, во реалноста не е така: принтерот има време за поправка, се чека и до неколку дена за сервисирање, испораката и нарачката на материјалите доцни, а залихите се дотрошени.“, објаснуваат во Феникс Нова.
Д-р Драгана Чифлиганец, извршен директор на Адора Инженеринг, вели дека дигитализацијата, глобализацијата и општественото вмрежување нудат голема транспарентност на брендот, што резултира со брза, лесна, евтина и масовна комуникација со корисниците, коишто каде и да се во светот добиваат точна претстава за понудата и реалната состојба и се’ повеќе од далечина ги купуваат нивните недвижности.
„Куповите хартија и скапите интернационални телефонски разговори ги заменивме со интернет комуникација, со информации и презентации на нашите веб страни (корпоративна и за посебните продукти), со ФБ, Инстаграм профили и другите социјални медиуми, Viber, Skype, WatsApp, месинџер, што одамна ги користиме во работењето. Сега, со само еден клик на насловната веб страна VR моделот со виртуелна прошетка ќе ви ја долови реалната состојба во влезното фоаје и атриумот во внатрешноста на атрактивниот комплекс Адора Flatiron, на пример. Во делот на понудата на станови и слободни квадратури на истата веб страна, лесно ќе ги најдете VR моделите за виртуелна реалност на поединечни станови, кои со клик, ќе Ве прошетаат низ нивната внатрешност и маркираните содржини, појаснети со информации за квалитетот, материјалите и дизајнот. Тоа беше доволно и пресудно наш клиент во САД да потпише преддоговор и да купи дом во комплексот Flatiron, без воопшто да го види објектот и станот и без ниту еднаш да ја посети нашата компанија, уште на почетокот од користењето на VR моделите, како прв градежен бренд во државата.“, вели Драгана Чифлиганец. Тоа е олеснителна околност за продажните менаџери на Адора, додава таа, коишто наместо со многу објаснување, време и енергија, сега експресно, со минимум трошоци, преку инструментите на дигиталниот маркетинг им овозможуваат јасна и реална претстава на клиентите за продуктот кој го продаваме, уште додека тој не е изграден, што го забрзува процесот на носењето на одлука и ја зголемува сигурноста на нашите купувачи.
Како да му се влезе во умот на потрошувачот
Во Виталиа велат пак, дека со цел правилно да ги користат дигиталните канали на комуникација, се трудат да навлезат во умот на потрошувачите, за тоа што тие всушност сакаат.
„Традиционалниот начин на комуникација е линеарна, еднострана врска каде што брендот им зборува на потрошувачите, но со дигитализацијата важно е не само комуникација на нашата порака, туку и одвојување време да се слушнат нашите потрошувачи, бидејќи на крајот од денот, тие се центарот на нашата инспирација и мисија.За да се исполнат барањата на потрошувачите, мора да понудиме интеракција и да ги оставиме да го направат самите изборот и да градат сопствени искуства. Пет клучни точки се фокусот на нашето дигитално работење: Потрошувачот е секаде константно; Дигиталниот метод на комуникација се базира на engagement и искуства; Визуелизација на пораката е клучот за привлекување на вниманието на потрошувачот, кое води до engagement; Социјалните платформи се неопходни за развивање на брендот; Важно е брза адаптација кон трендовите, како што технологијата се менува динамично, така мора да се менува и пристапот на брендот.“, објаснуваат од Виталиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

коментари и анализи
...Сите ние живееме во време, кога само идејата е капитал, сè друго е пари...
Најава
Регистрација

На вашата e-mail адреса ќе добиете лозинка за логирање на КАПИТАЛ.

Заборавена лозинка?

Внесете e-mail адреса или корисничко име со кое сте регистрирани на КАПИТАЛ.

×