YouTube работи на обезбедување права за одредени ТВ емисии и филмови, за да добие ексклузивни содржини што би се прикажувале на неодамна лансираниот YouTube Red, односно, YouTube-отшто се плаќа 9,99 долари. Како што пишува The Verge,  YouTube Redцели кон создавање каталог на понудени видеа што би можел да ја притесни конкуренцијата од Netflix, Hulu, Amazon Prime instant Video. Сѐ уште не се знае кои ТВ емисии и филмови YouTube се обидува да ги обезбеди, но познато е дека преговорите ги водат Сузан Даниелс, која порано работеше во MTV, и Кели Мериман, која беше во Netflix, а сѐ координира Роберт Кинсл, бизнис директорот на YouTube. Се очекува познатиот видео сервис да се фокусира на обезбедување права за нови материјали што би биле ексклузивно прикажувани на red варијантата.